Өсвөр, залуучуудын ДАШТ эхэллээ

IMG_1263 (Copy)

Польш улсын Дабки хотноо өсвөр, залуучуудын ДАШТ өчигдөр нээлтээ хийж, эхний тойргийн тоглолтууд явагдлаа. Эхний тойрогт манай дараахь тамирчид өрсөлдөгчөө буулган авав. Үүнд:


Л.Надмид

Б.Баярманлай
Ч.Марал-Эрдэнэ
Б.Мишээл
С.Энхтүвшин
Г.Дүүрэнбилэг
Ц.Чинзориг
Б.Отгон-Эрдэнэ

Дэлгэрэнгүй дүн, зураг, бусад мэдээлэлтэй
http://www.mondaam.mn/2017/wcy сайтаас тогтмол танилцана уу

Монгол улсын шигшээ баг "Нэг бүс-нэг зам" олон улсын багийн тэмцээнд оролцоно

Монголын даамчид ойрын өдрүүдэд олон улсын томоохон тэмцээнүүдэд өргөн бүрэлдэхүүнтэй оролцоно. Хэдхэн хоногийн дараа Польш улсын Дабки хотноо өсвөр, залуучуудын дэлхийн аварга шалгаруулах тэмцээнд өргөн бүрэлдэхүүнтэй оролцох бол ирэх 11-р сарын 9-нөөс 14-ний өдрүүдэд ОХУ, Недерланд, Польш, Узбекистан, Казахстан, Монгол, Хятадын 8 баг оролцох багийн "Нэг бүс-нэг зам" олон улсын тэмцээнд Олон улсын их мастер Г.Ганжаргал ахлагчтай баг оролцоно.

ganjargal1

Энэ тэмцээн БНХАУ-ын Жиангин хотод зохиогдох бөгөөд тэмцээнд уригдсан бүх багийн ирж очих болон тэмцээнтэй холбоотой бүх зардлыг Хятадын даамын холбоо дааж байгаа юм. Тэмцээнд оролцох Монгол улсын шигшээ багийн бүрэлдэхүүнд 2017 оны улсын аваргууд ОУИМ Ганбаатарын Ганжаргал, СМ Ерөөлжавын Ариунзаяа, U10 насны ангилалд Бүрнээбаатарын Баасанбар, Норовсүрэнгийн Лхагвадолгор нар тоглох юм.

ariunzaya

Энэ тэмцээний дараа ОУИМ Г.Ганжаргал, СМ Е.Ариунзаяа нар Лишуй хотод зохиогдох Хятадын нээлттэй олон улсын тэмцээнд оролцоно

team-asia.

ДАШТ-д амжилттай оролцлоо

2017 оны 10 дугаар сарын 1-нээс 16-ны өдрүүдэд Эстони улсын нийслэл Таллинн хотноо зохиогдсон насанд хүрэгчдийн Дэлхийн аварга шалгаруулах тэмцээнд манай тамирчид амжилттай оролцлоо.

М.Нямжаргал

Монгол улсын гавьяат тамирчин, ОУИМ Дөлийн Эрдэнэбилэг хэсэгтээ 5-р байрт шалгарлаа. Түүний хувьд шигшээ тэмцээнд шалгарахад нэг байр дутсан юм.

Мөн Азийн хошой аварга, ОУИМ Мөнхбаатарын Нямжаргал 16 тамирчин тойргоор өрсөлдснөөс 16 оноо авч, дэлхийн шилдэг 10 тамирчинд багтав. Энэ амжилт нь Монголын даамчдаас дэлхийн аварга шалгаруулах тэмцээнд үзүүлсэн хамгийн дээд амжилт юм.

ДАШТ-д оролцсон Монголын шигшээ багийн бүрэлдэхүүн

Дэлгэрэнгүй дүн

Манай тамирчид ДАШТ-д амжилттай оролцож байна

22046542_134791447158333_4777092352186388892_n
Эрэгтэйчүүдийн тэмцээн 3 тойрог тоглосноос ОУИМ Д.Эрдэнэбилэг 4 оноо, ОУИМ Р.Манлай, ДДХМ Г.Гэрэлболд нар тус бүр 3 оноотой болоод байна. Д.Эрдэнэбилэг дэлхийн аварга Г.Валнерис (Латви), ОУИМ М.Амриллаев (ОХУ) нартай тэнцжээ. Г.Гэрэлболд Румыны, Р.Манлай Эстоний тамирчдыг тус тус буулган авсан байна.
22050117_134856010485210_6371992887703017467_n

Харин эмэгтэй ДАШТ-ий хоёрдугаар тойрогт манай 2 тамирчин хоорондоо учраа таарч тэнцсэн байна.

http://wc2017.kabeliit.ee

ДАШТ эхэллээ

w-round1

Насанд хүрэгчдийн Дэлхийн аварга шалгаруулах тэмцээн Эстони улсын нийслэл Таллинн хотноо өнөөдөр эхэлнэ.

Эрэгтэйчүүдийн тэмцээнд оролцож буй манай 3 тамирчин 3 өөр хэсэгт орсон бөгөөд ОУИМ Р.Манлай Германы их мастер В.Вирный, ОУИМ Д.Эрдэнэбилэг Индонезийн тамирчин Г.Алинк, ДДХМ Г.Гэрэлболд Беларусийн их мастер Е.Ватутин-тай тус тус оноолт таарчээ. Нийт эрэгтэй 80 тамирчин урдчилсан шатанд 3 хэсэгт хуваагдан өрсөлдөж, хэсэг бүрээс эхний 4 байранд шалгарсан 12 тамирчин шигшээд үлдэх юм.


Харин эмэгтэйчүүд нийт 16 шилдэг тамирчин тойргоор өрсөлдөнө Манай 2 тамирчны хувьд эхний тойрогт ОУИМ М.Нямжаргал Польшийн их мастер, дэлхийн аварга Н.Садовска, ОУМ М.Одгэрэл Латвийн их мастер, дэлхийн 15 удаагийн аварга З.Голубева-тай тус тус оноолт таарчээ.

Эхний тойрог Улаанбаатарын цагаар 23.00 цагт эхлэх ба http://wc2017.kabeliit.ee/ хаягаар өргийг шууд үзэж болно.